Kraljevečki zdenec

Na zadružne gumne skupni zdenec

Jezero, jezero tragov na stackane zemle

Mej pački i kopitami  i ljudski tragi

Vratile vrtele, zejmači spuščali i zdigali

Kak pu lifte

Cmrkale blage poklem  paše

Cela regimenta prihajala na kopajnu

Glasajne razne fele

Bečenja krav, rzanje kojnuv, roktanje prasice

 I popevka pastiruv pri  vračanju vu sele

Blage same išle na kopajnu

Ljudi k zdencu

Žene kraj kopajne rabile mlaku

Vu koritu prale svoju flaku

Zdenec bil centar življenja

K zdencu prihajali mladi, stari, svakojaki

Siromaki, gazdi, težaki i vojaki

Domači, stranjski, potniki, foringaši

I domače blage kaj bile na paši

Profili vsakojake fele

Vsake serce pri zdence bile vesele

K zdencu nisi došel da ne bi nekoga našel

Tu se čule kdo bu koga ženil

Gdo prešel čez čije dvorišče

Gdo se veseli svojem prvijencu

 Se kaj se spetilo vu našem selu

Navek se zaznalo pri našem zdencu

Tu  mnoga duša tažila žeju

Kak semu tak i zdencu vek mine

Sam stoji, spi i sejna negdašnje goščenike

Taji slatke tajne prošlih let

Zbudili ga bume mi

Kraljevečki đaki

I onda nam bu on o prošlosti govoril

I naš Kraljevec lepšim stvoril

                                               Vinko Hasnek